তিনি কীৰ্তিমান বিদ্যাৰ্থীয়ে উজলালে যোৰহাটৰ নাম

যোৰহাটৰ নাম উজলালে তিনি কীৰ্তিমানে বিদ্যাৰ্থীয়ে (HSLC result update) ৷ উখল মাখল পৰিবেশে বিৰাজ কৰিছে যোৰহাটত ৷ যোৰহাটৰ বাঘচোং ডন বস্ক’ হাইস্কুলৰ দুগৰাকী ছাত্ৰীয়ে শীৰ্ষ দহটা স্থানৰ ভিতৰত স্থান লাভ কৰি বিদ্যালয় খনৰ সফলতাৰ ধাৰা অব্যাহত ৰাখিবলৈ সক্ষম হয় । আজি ঘোষিত ফলাফলত বিদ্যালয় খনৰ সমাদৃতা শৰ্মাই চতুৰ্থ আৰু অলিভিয়া বৰাই অষ্টম স্থান লাভ কৰে ৷ আনহাতে টীয়কৰ পৰা পঞ্চম সংখ্যক স্থান দখল কৰি যোৰহাট জিলালৈ গৌৰৱ কঢ়িয়াই আনে শ্বানাজ অঞ্জুম য়াচমিনে ৷ সমাদৃতা শৰ্মাই সৰ্বমুঠ ৫৯৪ নম্বৰ লাভ কৰি চতুৰ্থ স্থান দখল কৰাৰ (Samadrita Sarmah secured 4th position in HSLC exam) লগতে বাঘচোং ডনবস্ক হাইস্কুলৰ অলিভিয়া বৰাই সৰ্বমুঠ ৫৯০ নম্বৰ লাভ কৰি অষ্টম স্থান দখল কৰিবলৈ সক্ষম হয় (Olivia bora secured 8th position in HSLC exam ) । আনহাতে বিদ্যালয় খনৰ উত্তীৰ্ণ হাৰ এশ শতাংশ বুলি জানিবলৈ দিছে বিদ্যালয়ৰ শিক্ষকমহলে ।