Thief arrested at Jania : মাছ কিনিবলৈ গৈ ধৰা পৰিল ছানোৱাৰ

বৃহস্পতিবাৰে জনীয়াত আটক হ’ল এটা গভাইড চোৰ (Thief arrested at Jania in Barpeta)৷ দীৰ্ঘদিন ধৰি জনীয়াৰ বিভিন্ন প্ৰান্তত স্থানীয় ৰাইজৰ নিদ্ৰা হৰণ কৰি আহিছিল চোৰটোৱে ৷ এই অভিযোগ উত্থাপন কৰিছে স্থানীয় ৰাইজে ৷ আটকাধীন চোৰটো গৰাইমাৰি গাঁৱৰ ছানোৱাৰ বুলি জানিব পৰা গৈছে । স্থানীয় ৰাইজে উল্লেখ কৰা অনুসৰি, জনীয়া মাছ বজাৰত মাছ ক্ৰয় থকা অৱস্থাতে এজন ক্ৰেতাৰ পকেট মাৰিবলৈ উদ্যত হওঁতেই স্থানীয় ৰাইজে হাতেলোটে আটক কৰিবলৈ সক্ষম হয় অভিযুক্ত ছানোৱাৰক ৷ পাচত স্থানীয় ৰাইজে অভিযুক্ত ছানোৱাৰক উত্তম মাধ্যম সোধাই আৰক্ষীক গতাই দিয়ে ৷ অৱশ্যে এই চুৰিকাণ্ডটোৰ সন্দৰ্ভত স্থানীয় ৰাইজৰ বিপৰীতেহে মন্তব্য কৰিছে অভিযুক্ত ছানোৱাৰে ৷