Street play in Mangaldoi, স্বাধীনতাৰ অমৃত মহোৎসৱ উপলক্ষে মঙলদৈ পৌৰসভাৰ অভিনৱ প্ৰচাৰ

দেশৰ ৭৫ সংখ্যক স্বাধীনতা দিৱস(75th years of Independence of India) উপলক্ষে সমগ্ৰ দেশতে আৰম্ভ কৰা হৈছে স্বাধীনতাৰ অমৃত মহোৎসৱ(Azadi Ka Amrit Mahotsav) ৷ প্ৰতিখন ঘৰ তথা ব্যৱসায়িক প্ৰতিষ্ঠানত ১৩ ৰ পৰা ১৫ আগষ্টলৈ ঘৰে ঘৰে ত্ৰিৰংগ পতাকা কাৰ্যসূচীৰ জৰিয়তে ৰাষ্ট্ৰীয় পতাকা উত্তোলন কৰিবলৈ সজাগ কৰাৰ উদ্দেশ্যে ৰাজ্যৰ বিভিন্ন প্ৰান্তত হাতত লৈছে বিভিন্ন কাৰ্যসূচী । কিন্তু মঙলদৈ পৌৰসভাই ৰাইজক সজাগ কৰাৰ উদ্দেশ্য়ে হাতত লৈছে অভিনৱ কাৰ্যসূচী । স্বাধীনতাৰ অমৃত মহোৎসৱ উপলক্ষে মঙলদৈ পৌৰসভাৰ এলেকাত মঙলদৈ পৌৰসভাৰ সদস্য সকলে বৃহস্পতিবাৰে বাটৰ নাটৰ জৰিয়তে জনসাধাৰণক সজাগ কৰাৰ প্ৰয়াস কৰে । মঙলদৈ পৌৰসভাৰ এলেকাত তিনিটা স্থানত পৌৰসভাৰ পৌৰপতি, উপ-পৌৰপতি আৰু খণ্ড আয়ুক্তই বাটৰ নাটৰ জৰিয়তে জনসাধাৰণক আগন্তুক স্বাধীনতা দিৱস উপলক্ষে প্ৰতিখন ঘৰৰ লগতে ব্যৱসায়িক প্ৰতিষ্ঠান, চৰকাৰী-বেচৰকাৰী কাৰ্যালয়ত ১৩,১৪ আৰু ১৫ আগষ্টত তিনিদিনীয়াকৈ ত্ৰিৰংগ পতাকা উত্তোলন কৰিবলৈ আহ্বান জনায় ।