দেউতাকে চলোৱা স্কুল বাছত গৈয়ে জীয়ৰীয়ে আজুৰিলে শীৰ্ষস্থান

পিতৃয়ে চলোৱা স্কুলৰ বাছত উঠিয়েই শিক্ষা জীৱনৰ প্ৰথমটো দেওনা সফলতাৰে পাৰ কৰিলে সৰুপথাৰৰ এগৰাকী শিক্ষাৰ্থীয়ে ৷ আজি ঘোষণা হোৱা হাইস্কুল শিক্ষান্ত পৰীক্ষাত (HSLC Exam 2022) প্ৰথম দহটা স্থানৰ ভিতৰত মুঠ ৫৯৪ নম্বৰ লাভ কৰি চতুৰ্থ স্থান দখল কৰিলে সৰুপথাৰৰ দয়ানন্দ বিদ্যা নিকেতনৰ ছাত্ৰী স্নেহা শইকীয়াই (Sneha Saikia secure 4th rank in HSLC exam 2022) ৷ সৰুপথাৰ নগৰৰ মাজমজিয়াস্থিত ৭ নং ৱাৰ্ডৰ নিৱাসী ত্ৰিদীপ শইকীয়া আৰু স্বপ্না শইকীয়াৰ দ্বিতীয় সন্তান স্নেহা । উল্লেখ্য যে, স্নেহা শইকীয়াৰ পিতৃ ত্ৰিদীপ শইকীয়া পেছাত এগৰাকী গাড়ীচালক ।