Road Accident: মৰাণত ভয়ংকৰ পথ দুৰ্ঘটনা

ডিব্ৰুগড়ৰ জিলাৰ মৰাণ আৰক্ষী থানাৰ অন্তৰ্গত ৰাণীপথৰ 37 নং ৰাষ্ট্ৰীয় ঘাইপথত সন্ধিয়া সংঘটিত হয় এক ভয়ানক পথ দুৰ্ঘটনা (Road Accident in Moran)। দুৰ্ঘটনাত গুৰুতৰভাৱে আঘাতপ্ৰাপ্ত হয় দুজনকৈ স্কুটী আৰোহী । ঘটনাৰ বিৱৰণী অনুসৰি, ৰাণীপথৰ 37 নং ৰাষ্ট্ৰীয় ঘাইপথত এখন ৰখাই থোৱা পঞ্জাৱ বডী ট্ৰাকত পাছফালৰ পৰা খুন্দিয়াই তীব্ৰ বেগেৰে অহা এখন স্কুটীয়ে ৷ ইফালে খুন্দা মৰাৰ ফলত স্কুটীখন টুকুৰা টুকুৰকৈ ভাঙি যায় ৷ লগতে স্কুটীত থকা দুজন আৰোহী গুৰুতৰভাৱে আহত হয় । আহত দুয়োজনকে স্থানীয় ৰাইজে উদ্ধাৰ কৰি মৰাণ মেডিকেল চেন্টাৰত ভৰ্তি কৰাই যদিও স্কুটী আৰোহী দুয়োজনৰে অৱস্থা অতি সংকটজনক বুলি জানিব পৰা গৈছে ৷ ইফালে যুৱককেইজনৰ পৰিচয় বৰ্তমানলৈকে লাভ কৰিবলৈ সক্ষম হোৱা নাই । ইতিমধ্যে ঘটনাস্থলীত মৰাণ আৰক্ষী উপস্থিত হৈ আৰম্ভ কৰিছে তদন্ত ।