হোজাইত ২৪ ঘণ্টাৰ ভিতৰত উপায়ুক্তক বদলিকৰণৰ দাবী

দেওবাৰে হোজাইৰ শংকৰদেৱ নগৰৰ উপায়ুক্তৰ কাৰ্যালয় প্ৰাংগণত অনুষ্ঠিত হৈছিল হোজাই, লামডিং আৰু যমুনামুখ বিধানসভা সমষ্টিৰ ভোটগণনা ৷ কিন্তু ভোট গণনাৰ সংবাদ ল'বলৈ যোৱা সাংবাদিকসকলক উপায়ুক্তৰ কাৰ্যালয়ত প্ৰৱেশ কৰাত বাধা প্ৰদান কৰা হয় ৷ যাৰ বাবে দেওবাৰে উত্তপ্ত হৈ পৰিছিল জিলা উপায়ুক্তৰ কাৰ্যালয় ৷ সোমবাৰে জিলাখনৰ বিভিন্ন প্ৰেছ ক্লাবৰ সাংবাদিকসকলে উপায়ুক্ত ডাঃ সাদনেক সিঙৰ বিৰুদ্ধে সম্বোধন কৰে এখন সংবাদমেল ৷ সংবাদমেলত সাংবাদিকসকলে পৰৱৰ্তী 24 ঘন্টাৰ ভিতৰত উপায়ুক্ত গৰাকীক বদলি কৰিবলৈ ঊৰ্ধতন কৰ্তৃপক্ষক দিবলৈ দাবী জনায় ৷