খুমটাইত নির্বাচনী প্ৰচাৰ চলোৱাত ব্যস্ত মৃণাল শইকীয়া

গোলাঘাট জিলাৰ খুমটাই বিধানসভা সমষ্টিৰ হাবিছোৱা গাঁও পঞ্চায়তৰ মেলামৰাত বিজেপিৰ প্ৰথমখন বৃহৎ নিৰ্বাচনী প্ৰচাৰ সভা । শনিবাৰে পুৱা মৃণাল শইকীয়া জন্মভূমি মেলামৰা বৰ নামঘৰত উপস্থিত হোৱাৰ লগে লগে সমূহ ৰাইজে আদৰণি জনায় । নামঘৰত প্ৰৱেশ কৰি ভগৱানৰ ওচৰত আশীৰ্বাদ বিচাৰে প্ৰাৰ্থী গৰাকীয়ে । তাৰ পাছতেই মৃণাল শইকীয়া নিজ বাসগৃহত উপস্থিত হৈ মাতৃৰ ওচৰত আশীৰ্বাদ লয় । মৃণাল শইকীয়াই প্ৰথমখন নিৰ্বাচনী সভাত অংশগ্ৰহণ কৰাৰ সমান্তৰালকৈ পঞ্চায়তটোৰ সহস্ৰাধিক লোকে অংশগ্ৰহণ কৰে সভাখনত । সংবাদ মাধ্যমৰ আগত সদৰী কৰা অনুসৰি নিৰ্বাচনী প্ৰাৰ্থীগৰাকী নিৰ্বাচনত জয়ী হ’লে নিবনুৱা সমস্যা দূৰীকৰণত গুৰুত্ব আৰোপ কৰিব ৷