বৰঝাৰ বিমান বন্দৰৰ পৰা হোটেল ৰেডিচন ব্লুলৈ ৰাওনা মহাৰাষ্ট্ৰৰ বিসম্বাদী বিধায়কৰ দল

সলনি হ'বলৈ ওলাইছে মহাৰাষ্ট্ৰৰ ৰাজনৈতিক পট । পুনৰ চলিব হোটেল ৰাজনীতি । আশ্ৰয় বিচাৰি গুৱাহাটীত উপস্থিত মহাৰাষ্ট্ৰৰ শাসকীয় দলৰ বিধায়ক । একনাথ সিন্দেৰ নেতৃত্বত বিধায়ক দলটোৱে বাহৰ পাতিলে গুৱাহাটীত(Eknath Shinde arrives in Guwahati) । উল্লেখ্য যে, মহাৰাষ্ট্ৰত একনাথ সিন্দেৰ বিদ্ৰোহৰ পাছত উদ্ধৱ থাকৰে নেতৃত্বাধীন মহা বিকাশ আঘাড়ী চৰকাৰ সংকটৰ গৰাহত পৰিছে । সিন্দেৰ সমৰ্থনত কেইবাগৰাকীও বিধায়ক আছে । অবিজেপি শাসিত মহাৰাষ্ট্ৰৰ চৰকাৰ ভঙা-পতাৰ খেল অসমত হোৱাক লৈ বিশেষ চৰ্চাও চলিছে । নিশাই বৰঝাৰ বিমানবন্দৰত(Lokpriya Gopinath Bordoloi International Airport) আটাইকেইজন উপস্থিত হোৱাৰ কথা আছিল যদিও বুধবাৰে পুৱা গুৱাহাটীত উপস্থিত আটাইকেইজন । বৰঝাৰ বিমানবন্দৰৰ পৰাই কটকটীয়া নিৰাপত্তাৰে অসম ৰাজ্যিক পৰিবহন নিগমৰ বিশেষ বাছৰে ৰেডিছন ব্লুলৈ লৈ যোৱা হয় আটাইকেইজন বিধায়কক(MAHA MLA's are moved to Hotel Radisson Blu) । ৰাজ্যিক বিজেপিৰ যুৱ মৰ্চাৰ সম্পাদক হিমাংশু শেখৰ বৈশ্যই বিধায়কসকল অহাৰ পূৰ্বে নিয়ন্ত্ৰণ কৰিছিল যাতায়ত ব্যৱস্থা । বিমানবন্দৰতে বিধায়কৰ দলটোক আদৰণি জনাই অসমৰ বিজেপি বিধায়ক সুশান্ত বৰগোঁহাই আৰু সাংসদ পল্লৱলোচন দাসে ।