জেপি নাড্ডাৰ সভা "ফ্লপ শ্ব": আৰ পি শৰ্মা

ভাৰতীয় জনতা পাৰ্টীৰ কেন্দ্ৰীয় সভাপতি জে পি নাড্ডাই সোমবাৰে শোণিতপুৰ জিলাৰ বৰচলা সমষ্টিৰ প্ৰাৰ্থী গণেশ লিম্বুৰ হৈ চলোৱা প্ৰচাৰ সভাক "ফ্লপ শ্ব" আখ্যা কংগ্ৰেছ মহাযোঁটৰ প্ৰাৰ্থী আৰ পি শৰ্মাৰ ৷ তেজপুৰ লোকসভাৰ বিজেপিৰ প্ৰাক্তন সাংসদ আৰু বৰ্তমানৰ বৰচলা সমষ্টিৰ কংগ্ৰেছ দলৰ প্ৰাৰ্থী ৰাম প্ৰসাদ শৰ্মাই সামাজিক মাধ্যমৰ যোগেদি কয়,"Do not try to cross my territory"। এইবাৰ বৰচলা সমষ্টিত ৰাইজে কংগ্ৰেছ দলৰ প্ৰতি অভূতপূৰ্ব সঁহাৰি জনাইছে ৷ গতিকে তেওঁ প্ৰতিদ্বন্দিতা কৰা বৰচলা সমষ্টিৰ সীমা অতিক্ৰম কৰিবলৈ চেষ্টা নকৰিবৰ বাবে আহ্বান জনোৱাৰ লগতে এক প্ৰকাৰৰ সতৰ্কবাণী প্ৰদান কৰে বিজেপিক ৷ শোণিতপুৰ জিলাত দুখনকৈ নিৰ্বাচনী সভাত অংশগ্ৰহণ কৰাৰ পাচতে নাড্ডাৰ সভাক "ফ্লপ শ্ব" বুলি ঠাট্টা কৰে ৷ লগতে প্ৰাৰ্থী গৰাকীয়ে কয়, তেওঁ বৰচলা সমষ্টিৰ পৰা প্ৰায় ৬০ হাজাৰ ভোটৰ ব্যৱধানত জয়ী হ'ব ৷