HS Exam result 2022: চাৰি কৃতীমানে উজলালে যোৰহাট জিলাৰ নাম

উৎসৱমুখৰ পৰিৱেশ যোৰহাটত ৷ চাৰিজনকৈ ছাত্ৰই উজলালে জিলাখনৰ নাম (HS result 2022)৷ বাণিজ্য শাখাত ৰাজ্যখনৰ ভিতৰত দ্বিতীয় স্থান আজুৰি আনিলে যোৰহাট ক্ৰীছেন্ট একাডেমীৰ মানস জ্যোতি বৰঠাকুৰে (Assam HS result 2022)। সৰ্ব মুঠ 476 নম্বৰেৰে যোৰহাট জিলালৈ গৌৰৱ কঢ়িয়াই আনে ছাত্ৰজনে ৷ ইফালে ঢোল-তাল বজাই নাচিলে প্ৰজ্ঞা একাডেমীৰ ছাত্ৰ-ছাত্ৰী লগতে শিক্ষা গুৰুৱে । উচ্চতৰ মাধ্যমিক শিক্ষান্ত পৰীক্ষাৰ বিজ্ঞান শাখাত তিনিটাকৈ স্থান আঁজুৰিলে প্ৰজ্ঞা একাডেমী তিনি কৃতিমানে । বিজ্ঞান শাখাত অষ্টম স্থান লাভ কৰে প্ৰজ্ঞা একাডেমীৰ গৌৰাংগ ভূঞাই । মুঠ নম্বৰ 476 লাভ কৰে গৌৰাংগই । ইয়াৰে দেৱজ্ঞান বৰদলৈ আৰু কৃষণ হাজৰিকাই বিজ্ঞান শাখাত দশম স্থান লাভ কৰাৰ লগতে মুঠ 474 নম্বৰ লাভ কৰে ।