আগ্ৰাৰ যমুনা এক্সপ্ৰেছৱেত জীৱন্তে অগ্নিদগ্ধ হয় পাঁচজনকৈ লোক

মঙলবাৰে পুৱতি নিশা উত্তৰ প্ৰদেশৰ আগ্ৰাত সংঘটিত হয় এক শোকাৱহ ঘটনা ৷ আগ্ৰাৰ যমুনা এক্সপ্ৰেছৱেত এখন ট্ৰাকত এখন চাৰিচকীয়া বাহনে খুন্দা মৰাৰ ফলত ৰাজপথতে দাওদাওকৈ জ্বলি উঠে চাৰিচকীয়া বাহন খন ৷ বাহন খনত থকা পাঁচজনকৈ লোক জীৱন্তে অগ্নিদগ্ধ হৈ মৃত্যু মুখত পৰে ৷ ঘটনা সংঘটিত হোৱাৰ এঘন্টা পাচত আৰক্ষী আৰু অগ্নি নিৰ্বাপক বাহিনী ঘটনাস্থলীত উপস্থিত হয় ৷ আৰক্ষীয়ে জীৱন্তে অগ্নিদগ্ধ হোৱা লোক কেইজনক দিল্লীলৈ লৈ যায় ৷ প্ৰত্যক্ষদৰ্শীৰ অভিযোগ,ঘটনা সংঘটিত হোৱাৰ লগে লগে আৰক্ষী আৰু অগ্নি নিৰ্বাপক বাহিনীক খবৰ দিয়া হৈছিল যদিও বহু পলমকৈ ঘটনাস্থলীত উপস্থিত হয় ৷