শপতগ্ৰহণৰ পূৰ্বে দৌলগোবিন্দ মন্দিৰত আশীষ ল'লে ড৹ হিমন্ত বিশ্ব শৰ্মাই

সোমবাৰে ৰাজ্যৰ নৱ নিৰ্বাচিত মুখ্যমন্ত্ৰী হিচাপে শপত গ্ৰহণৰ পূৰ্বে উত্তৰ গুৱাহাটীস্থিত ঐতিহ্যমণ্ডিত মহাপ্ৰভূ শ্ৰী শ্ৰী দৌলগোবিন্দ মন্দিৰত আশীষ ল'লে ড৹ হিমন্ত বিশ্ব শৰ্মাই ৷ মন্দিৰ দৰ্শনত ভালেসংখ্যক শুভাকাংক্ষী তথা দলীয় কৰ্মকৰ্তাই সংগ দিলে জালুকবাৰী সমষ্টিৰ হিয়াৰ আমঠু শৰ্মাক ৷ সম্পূৰ্ণ ক'ভিড নীতি পালন কৰি মহাপ্ৰভুৰ আশীষ ল'লে নৱ নিৰ্বাচিত মুখ্যমন্ত্ৰী গৰাকীয়ে ৷ মন্দিৰ প্ৰাংগনত উপস্থিত হোৱাৰ লগে লগে মন্দিৰ পৰিচালনা সমিতিৰ তৰফৰ পৰা ফুলাম গামোচা, ফুলৰ থোপা আৰু শৰাইৰে উষ্ম আদৰণি জনাই ড৹ হিমন্ত বিশ্ব শৰ্মাক ৷