কনটেইনমেণ্ট জ’ন হিচাপে ঘোষণা খোৱাঙৰ এখন গাঁও

শুকুৰবাৰে খোৱাং প্ৰাথমিক স্বাস্থ্য কেন্দ্ৰৰ অন্তৰ্গত বুঢ়ীখোৱাং গাঁওখনক কনটেইনমেণ্ট জ’ন হিচাপে ঘোষণা কৰে প্ৰশাসনে । 160 ঘৰ পৰিয়াল থকা গাঁওখনত শুকুৰবাৰৰ দিনটোত 25 গৰাকীকৈ লোক ক’ভিডত আক্ৰান্ত হোৱাৰ বিপৰীতে এগৰাকী বৃদ্ধাৰ মৃত্যু হোৱাৰ লগে লগে এই সিদ্ধান্ত গ্ৰহণ কৰা হয় ৷ গাঁওখনৰ প্ৰৱেশ পথত বাঁহ বান্ধি দিয়াৰ লগতে প্ৰৱেশ নিষেধৰ বেনাৰ আঁৰি দিয়া হৈছে । গাঁওখনৰ ৰাইজৰ খাদ্য আৰু স্বাস্থ্যৰ সকলো ব্যৱস্থা প্ৰশাসন আৰু স্বাস্থ্য বিভাগে ল’ব বুলি খোৱাং স্বাস্থ্য কেন্দ্ৰৰ বিষয়াই জানিবলৈ দিয়ে ।