Car lifter arrested: কুখ্যাত আন্তঃৰাজ্যিক গাড়ী চুৰি চক্ৰৰ মাষ্টাৰ মাইণ্ডক আটক

উজনি অসমৰ বিভিন্ন জিলাত গাড়ী, মটৰচাইকেল আদি চুৰি কৰি সন্ত্ৰাসৰ সৃষ্টি কৰি অহা আন্তঃৰাজ্যিক গাড়ী চুৰি চক্ৰৰ মাষ্টাৰ মাইণ্ড (Inter state car theft Master mind) কামাখ্যা মৰাণ (২৩) সম্প্ৰতি ডিব্ৰুগড় আৰক্ষীৰ জিম্মাত (car theft Master mind in Dibrugarh Police custody) । শেহতীয়াকৈ ড্ৰাগছ সৰবৰাহতো জড়িত হৈ পৰা এই কুখ্যাত গাড়ী চোৰ চক্ৰটোৰ মাষ্টাৰ মাইণ্ড কামাখ্যা মৰাণক দুলীয়াজান আৰক্ষীয়ে জিম্মাত ৰখাৰ লগতে অন্য চাৰি সহযোগী পেঙেৰিৰ মিণ্টু মৰাণ (১৯) আৰু কলিন্দ্ৰ মৰাণ (২০), তিনিচুকীয়াৰ আশীষ মুন্না শ্বাহ (২৬) আৰু বৰডুবিৰ পাৰচ চৌধুৰী (৫০)ক দুলীয়াজান আৰক্ষীয়ে আটক কৰিছে ৷ ইতিমধ্যে ভাৰতীয় দণ্ডবিধি আইনৰ ৩৭৯ ধাৰাৰ অধীনত ১৪০/২২ নম্বৰত গোচৰ পঞ্জীয়ন কৰি জে'ললৈ প্ৰেৰণ কৰিছে । তিনিচুকীয়া জিলাৰ বৰডুবিৰ চাওতাল গাঁৱৰ পাৰচ চৌধুৰীৰ ঘৰত ঘাটি পাতি এই কুখ্যাত গাড়ী চুৰি চক্ৰৰ মাষ্টাৰ মাইণ্ড কামাখ্যা মৰাণে উজনি অসমৰ বিভিন্ন স্থানত মূল্যৱান গাড়ী, মটৰচাইকেল চুৰি কৰি আৰক্ষী প্ৰশাসনৰ‌ নিদ্ৰা হৰণ কৰিছিল (car theft Kamakhya Maran in Dibrugarh police custody) । আৰক্ষীয়ে বৰডুবিৰ পাৰচ চৌধুৰীৰ ঘৰৰ পৰা অত্যাধুনিক বহু আপত্তিজনক সা-সামগ্ৰী উদ্ধাৰ কৰিবলৈ সক্ষম হয় ।