গোৱালপাৰাত বন্যাৰ্তৰ খবৰ ল’লে বদৰুদ্দিন আজমলে

গোৱালপাৰাত বন্যাৰ্তৰ কাষত সাংসদ বদৰুদ্দিন আজমল (Badaruddin Ajmal visits flood effected areas in Goalpara) । জিলাখনৰ আশ্ৰয় শিৱিৰে শিৱিৰে সাহায্য আগবঢ়ালে সাংসদ আজমলে । মাৰকাজ মা' আৰীফ নামৰ এনজিঅ’টোৰ জৰিয়তে আগবঢ়ালে এই সাহায্য । গোৱালপাৰা জিলাৰ দ্বাৰকা প্ৰাথমিক বিদ্যালয়ত স্থাপন কৰা আশ্ৰয় শিৱিৰটোত উপস্থিত হৈ সাংসদ গৰাকীয়ে প্ৰতিজন বানাক্ৰান্ত লোকৰ অৱস্থাৰ বুজ লয় । শিবিৰটোত আশ্ৰয় লৈ থকা প্ৰতিটো পৰিয়ালক একোটাকৈ খাদ্যৰ টোপোলা দিয়াৰ লগতে মম আৰু খোৱাপানীও যোগান ধৰে । লগতে এই বানাক্ৰান্ত লোকসকলক সাহায্যৰ ক্ষেত্ৰত সাংসদ গৰাকীয়ে চৰকাৰৰ সৈতে আলোচনা কৰা হ’ব বুলি শিবিৰত লোকসকলক আশ্বাস দিয়ে ।