ৰাষ্ট্ৰীয় পৰ্যায়ৰ নৃত্য প্ৰতিযোগিতাত অসম জীয়ৰীৰ সাফল্য়

ৰাষ্ট্ৰীয় পৰ্যায়ত পুনৰ অসমৰ নাম উজলালে এগৰাকী নৃত্যশিল্পীয়ে ৷ যোৰহাট জিলাৰ মৰিয়নিৰ কৃষ্ণা কাৰ্ডনে ৰাষ্ট্ৰীয় পৰ্যায়ৰ নৃত্য প্ৰতিযোগিতাত বিজয়ী মুকুট পৰিধান কৰি গৌৰাৱান্বিত কৰিলে সমগ্ৰ অসমবাসীক ৷ মৰিয়নিৰ অসম নগালেণ্ড সীমান্তৱৰ্তী অঞ্চলৰ নিউ -সোনোৱাল আদৰ্শ মিচিং গাঁৱৰ কৃষ্ণা কাৰ্ডনৰ এই সফলতাত উৎফুল্লিত হৈ পৰিছে পৰিয়ালৰ লগতে অঞ্চলবাসী ৷ চলিত বৰ্ষৰ ২৭ আৰু ২৮ মে’ত মধ্য প্ৰদেশৰ ভূপালত অনুষ্ঠিত হোৱা ALL INDIA Rural Dance CHAMPIONSHIP ত অংশগ্ৰহণ কৰি বিজয়ীৰ খিতাপ অৰ্জন কৰিবলৈ সক্ষম হয় কৃষ্ণাই ৷ মৰিয়নিৰ RX dance স্কুলত নৃত্যৰ প্ৰশিক্ষণ লোৱা কৃতী ছাত্ৰী গৰাকী নৱম শ্ৰেণীত অধ্যয়নৰত ৷ উল্লেখযোগ্য যে এই প্ৰতিযোগিতাত সমগ্ৰ দেশৰ পৰা প্ৰায় ১৭০০ প্ৰতিযোগীয়ে অংশগ্ৰহণ কৰিছিল ৷ বিজয়ী খিতাপ অৰ্জন কৰাৰ লগতে কৃষ্ণাই লাভ কৰিছে ট্ৰফি, মানপত্ৰ সহ ১ লাখ ৬০ হাজাৰ টকাৰ এখন চেক।