চিৰাঙত ভোটাধিকাৰ সাব্যস্ত কৰিলে মহাজোঁটৰ প্ৰাৰ্থী মন্ত্ৰী চন্দন ব্ৰহ্মই

ৰাজ্যত আজি অনুষ্ঠিত হৈছে তৃতীয় পৰ্যায়ৰ ভোট গ্ৰহণ ৷ মুঠ 12 খন জিলাৰ 40 টা সমষ্টিত অনুষ্ঠিত হৈছে এই ভোট গ্ৰহণ প্ৰক্ৰিয়া ৷ মুঠ 79,19,641 গৰাকী ভোটাৰে ভোটাধিকাৰ সাব্যস্ত কৰিবলগীয়া ভোটগ্ৰহণত চিৰাঙত ভোটাধিকাৰ সাব্যস্ত কৰিলে 31নং চিদলী সমষ্টিৰ মহাজোঁটৰ বিপিএফৰ প্ৰাৰ্থী তথা মন্ত্ৰী চন্দন ব্ৰহ্মই ৷ নিলিবাৰী গাঁৱৰ 430 নং নিলীবাৰী প্ৰাথমিক বিদ্যালয়ৰ 71 নং ভোটগ্ৰহণ কেন্দ্ৰত সপত্নীক ভোটদান সাব্যস্ত কৰে তিনিবাৰকৈ বিধায়কৰ আসন দখল কৰা মন্ত্ৰী চন্দন ব্ৰহ্মই ৷