মুকালমুৱাত আৰক্ষীৰ জালত অনৈতিক কাৰ্যত জড়িত তিনি মহিলাসহ এজন যুৱক

শনিবাৰে মুকালমুৱা থানাৰ অন্তৰ্গত কুমাৰীকাটাৰ ভট্ট চ'কৰ পৰা অনৈতিক কাৰ্যত জড়িত থকাৰ অভিযোগত তিনি গৰাকী মহিলাসহ এজন যুৱকক আটক কৰে মুকালমুৱা আৰক্ষীয়ে । DSP জিকিৰাণী মহন্তৰ নেতৃত্বত চলা এক গোপন অভিযানত আটক কৰিবলৈ সক্ষম হয় পুৰুষ-মহিলাসহ চাৰিজনক । জানিব পৰা মতে, কুমাৰীকাটা ভট্ট চক'ৰ এগৰাকী মহিলাৰ ঘৰত দীৰ্ঘদিন ধৰি নাৰী দেহ ব্যৱসায় চলি থকাৰ তথ্য লাভ কৰিছিল আৰক্ষীয়ে । মহিলাগৰাকীৰ ঘৰত DSP জিকিৰাণী মহন্তৰ নেতৃত্বত দৌলাশাল আৰক্ষী চকীৰ আইচি ৰাজশ্ৰী বুঢ়াগোহাঁইয়ে অভিযান চলাই উক্ত মহিলাগৰাকীৰ লগতে অন্য দুগৰাকী মহিলা সহ এজন যুৱকক আটক কৰিবলৈ সক্ষম হয় । ধৃত মহিলা কেইগৰাকী অনৈতিক কাৰ্যত জড়িত থকাৰ অভিযোগত আটক কৰা বুলি জানিব দিয়ে মুকালমুৱা আৰক্ষীয়ে । ধৃত মহিলা কেইগৰাকীয়ে অঞ্চলটোত দীৰ্ঘদিন ধৰি নাৰী দেহ ব্যৱসায়ত জড়িত থকাৰ সন্দেহ মুকালমুৱা আৰক্ষীৰ।