হাতীখুলিত বন্যহস্তীৰ তাণ্ডৱ : কথমপি প্ৰাণৰক্ষা বৃদ্ধাসহ দুটি কণমানিৰ

বঢ়মপুৰ হাতীখুলিত বন্যহস্তীৰ উপদ্ৰপ ৷ বন্যহস্তীয়ে ভাঙি লণ্ডভণ্ড কৰিলে কেইবাটাও বাসগৃহ । কথমপি প্ৰাণ ৰক্ষা এগৰাকী বৃদ্ধাসহ দুটি কণমানিৰ ৷ ঘৰৰ বেৰ ভাঙি স্থানীয় লোকে কোনোমতে ৰক্ষা কৰে তিনিওকে ৷ ইয়াৰ উপৰিও ভৰালত সাঁচি থোৱা ধান খাই তহিলং কৰে কাষৰ হাবিৰ পৰা অহা এটা হাতীয়ে ৷ বন বিভাগক খবৰ দিলেও বন বিভাগৰ লোকে বিভিন্ন কটু কথাৰে স্থানীয় ৰাইজৰ সমস্যাক উপলুঙা কৰাৰ অভিযোগ ৰাইজৰ ৷ বহু দিনৰ পৰাই অঞ্চলটোত তাণ্ডৱ চলাই আহিছে বনৰীয়া হাতীটোৱে ৷ হাতীকেইটাক খেদি পঠিয়াবলৈ সংবাদ মাধ্যমৰ জৰিয়তে বিভাগীয় কৰ্তৃপক্ষক দাবী স্থানীয় ৰাইজৰ ৷