কাৰাগাৰৰ পৰাই দলক নেতৃত্ব দিব অখিল গগৈয়ে:ভাস্কো ডি শইকীয়া

অখিল গগৈ কাৰাৰুদ্ধ হৈ থাকিলেও আগন্তুক নিৰ্বাচনৰ বাবে দলীয় সতীৰ্থই পৰম উৎসাহেৰে কাম কৰি আছে ৷ এই মন্তব্য ৰাইজৰ দলৰ কাৰ্যকৰী সভাপতি ভাস্কো ডি শইকীয়াৰ ৷ ইটিভি ভাৰতৰ সৈতে হোৱা এক আছুতীয়া সাক্ষাৎকাৰত শইকীয়াই জানিবলৈ দিয়ে যে, 2021 ৰ বিধানসভা নিৰ্বাচনত কাৰাগাৰৰ পৰাই অখিল গগৈয়ে দলক নেতৃত্ব দিব ৷ আগন্তুক নিৰ্বাচন সন্দৰ্ভত আৰু কেতবোৰ গুৰুত্বপূৰ্ণ মন্তব্য কৰি শইকীয়াই কয় যে, এইবাৰ অসমত এখন আপোচবিহীন আঞ্চলিক দলৰ চৰকাৰ গঠন হ'ব ৷ নিয়াৰ গোচৰত অভিযুক্ত হৈ থাকিলেও অখিল গগৈয়ে নিৰ্বাচনত প্ৰতিদ্বন্দিতা আগবঢ়াব পাৰিব বুলি মন্তব্য কৰাৰ লগতে প্ৰধানমন্ত্ৰী আহিলেও অখিল গগৈ বিপুল ভোটত জয়ী হ'ব বুলি মন্তব্য শইকীয়াৰ ৷