মেডিকেল কলেজ স্থাপনক লৈ উৎফুল্লিত বঙাইগাঁওবাসী

বঙাইগাঁৱত আনন্দৰ বন্যা ৷ কিয়নো বঙাইগাঁৱত স্থাপন কৰা কৰা হ’ব চিকিৎসা মহাবিদ্যালয় (medical college hospital) ৷ বিত্তমন্ত্ৰী অজন্তা নেওগে বঙাইগাঁও জিলাত এখন চিকিৎসা মহাবিদ্যালয় স্থাপন কৰাৰ হেতুকে বিধানসভাত প্ৰস্তাৱ আগবঢ়াইছিল ৷ বাজেট অধিৱেশনত এই প্ৰসংগ উত্থাপনৰ পিছতেই স্বাভাৱিকতে উৎফুল্লিত হৈ পৰিছে বঙাইগাঁওবাসী ৷ এই উপলক্ষে অসম গণ পৰিষদৰ (AGP) বঙাইগাঁওস্থিত জিলা মুখ্য কাৰ্যালয়ত বিধায়ক ফণীভূষণ চৌধুৰীক (Phanibhushan Choudhury) সম্বৰ্দ্ধনা জনায় এজিপি(AGP)-বিজেপি(BJP)ৰ কৰ্মকৰ্তাসকলে । মুখ্যমন্ত্ৰী স্বাস্থ্যমন্ত্রী আৰু বিত্তমন্ত্রীক বিশেষভাৱে ধন্যবাদ জনায় ফণীভূষণ চৌধুৰীয়ে । নতুনকৈ স্থাপন হ’বলগীয়া চিকিৎসা মহাবিদ্যালয়ৰ কাম সোনকালে হ’ব লাগে বুলি সদৰি কৰে বিধায়কগৰাকীয়ে ।