ক’ভিড প্ৰট'কল নেওচি পুৱাই বজাৰ ভিৰ

ৰঙাপৰাত নামানে ৰাইজে নামানে ক’ভিড প্ৰট'কল ৷ পুৱাই বজাৰ ভিৰ কৰিলে একাংশ ৰাইজে ৷ ৰঙাপৰাত কন্টেইমেণ্ট জ’নৰ নীতি নিদেৰ্শনা নামানে একাংশ ব্যৱসায়ীয়ে ৷ যাৰ বাবে ধোঁৱাচাঙত উঠিল ক’ভিড প্ৰট'কল ৷ প্ৰশাসনক বুঢ়া আঙুলি দেখুৱাই বজাৰ খুলি কৰিছে ব্যৱসায়। ৰঙাপৰাত পুৱা 4 বজাতে একাংশ দোকানীয়ে নিজৰ দোকান খুলি সা-সামগ্ৰী বিক্ৰী কৰি আহিছে ৷ সাংবাদিকৰ কেমেৰা দেখাৰ লগে লগে পলায়ন কৰে একাংশ দোকানীয়ে ৷ কি গেলামাল, কি মাছ বজাৰ সকলো খোলা ৰখা পৰিলক্ষিত হৈছে ৷ ৰাইজে মাছ কিনিবলৈ হেতা ওপৰা কৰিছে ৷ ইপিনে সাংবাদিকৰ কেমেৰা দেখি এগৰাকী মাছ ব্যৱসায়ীয়ে লুকাবলৈ চেষ্টা কৰিছে ৷ চাইকেল, মটৰচাইকেলত মোনা লৈ 4 বজাতেই উলাই আহিছে ৰাইজ । ইয়াৰ উপৰি দেখিবলৈ পোৱা গৈছে এখন আলু পিঁয়াজৰ পাইকাৰী দোকান ৷ পুৱাই গুদাম খুলি মুকলিভাৱে ব্যৱসায় কৰিছে বিক্ৰেতাসকলে ৷ ৰঙাপৰাত প্ৰতিদিনেই কৰ’ণা সংক্ৰমনৰ সংখ্যা বৃদ্ধি পাই আহিছে ৷ ইয়াৰ পাছতো একাংশ লোকৰ কাণ্ডজ্ঞানহীন কৰ্মকাণ্ডৰ বাবে ৰঙাপৰাত কৰ’ণাৰ সংক্ৰমন বৃদ্ধি পোৱাৰ অভিযোগ কৰিছে সচেতন ৰাইজে ৷