ন্যায়ৰ দাবীত আঠগাঁৱত ব্যৱসায়ী সন্থাৰ প্ৰতিবাদ

শনিবাৰে প্ৰতিবাদ মুখৰ হৈ পৰিল আঠগাঁও ৷ অভিযোগ অনুসৰি, শুকুৰবাৰে আবেলি অমৃত গিৰি নামৰ ব্যৱসায়ীজনক চোকা অস্ত্ৰৰে প্ৰাণে মৰা চেষ্টা চলাইছিল জিয়াউৰ ৰহমান নামৰ এজন ব্যক্তিয়ে ৷ যাৰ ফলত গুৰুত্বৰ ভাৱে আহত হয় অমৃত গিৰি নামৰ ব্যৱসায়ী জন ৷ সম্প্ৰতি অমৃত গিৰি জি এম চি এইচ(GMCH)ত চিকিৎসাধীন হৈ আছে । ইফালে এই ঘটনা সংঘটিত কৰিয়েই সেই স্থানৰ পৰা পলায়ন কৰে অভিযুক্ত জিয়াউৰ ৰহমান ৷ অৱশ্যে পৰৱৰ্তী সময়ত ভৰলুমুখ আৰক্ষীৰ থানাত আত্মসমৰ্পণ কৰে অভিযুক্ত জিয়াউৰ ৰহমানে ৷ ঘটনা সন্দৰ্ভত ভৰলুমুখ আৰক্ষী থানাত ৭৮৮/২১ নম্বৰত গোচৰ ৰুজু কৰা হয় । জানিব পৰা মতে, শনিবাৰে জিয়াউৰ ৰহমানক আদালতটো হাজিৰ কৰা হয় । এই ঘটনাক কেন্দ্ৰ কৰিয়েই শনিবাৰে উত্তপ্ত হৈ পৰে মহানগৰীৰ আঠগাঁও ৷ দোষীক উচিত শাস্তি প্ৰদানৰ দাবীত শনিবাৰে ৪ নং ৰেল গেট ৰ্ৱল্ড মটৰ পাৰ্টচ মাৰ্কেটৰ ব্যৱসায়ী সন্থাই ৰূপায়ণ কৰে এই প্ৰতিবাদী কাৰ্যসূচী ৷