খাৰিজা বিজনীৰ বড়ো যুৱক-যুৱতীক SSBৰ দ্বাৰা প্ৰশিক্ষণ

বৰপেটাৰোডৰ সমীপৰ তথা বাক্সা জিলাৰ অন্তৰ্গত মথনগুৰি পৰিষদীয় সমষ্টিৰ উত্তৰ খাৰিজা বিজনী হাইস্কুলত বুধবাৰে পুৱাৰে পৰাই তিনিদিনীয়াকৈ আৰম্ভ হৈছে সেনা প্ৰশিক্ষণ কাৰ্যসূচী ৷ কাহিতামাত থকা সশস্ত্ৰ সীমা বলৰ(SSB) 54 নং বেটেলিয়নৰ দ্বাৰা খাৰিজা বিজনী অঞ্চলৰ বড়ো সম্প্ৰদায়ৰ যুৱক-যুৱতীসকলক এছ এছ বিত যোগদান কৰিবলৈ উৎসাহ প্ৰদান কৰাৰ বাবে আয়োজন কৰা হৈছে এই প্ৰশিক্ষণ শিবিৰৰ । উক্ত শিবিৰত খাৰিজা বিজনী অঞ্চলৰ প্ৰায় 80 গৰাকী যুৱক-যুৱতীক প্ৰশিক্ষণ দিয়া হয় । এই প্ৰশিক্ষণ শিবিৰ 21 আগষ্টলৈকে উত্তৰ খাৰিজা বিজনী হাইস্কুলত চলি থাকিব বুলি জানিব পৰা গৈছে ৷ এছ এছ বিয়ে এনেধৰণৰ প্ৰশিক্ষণ কাৰ্যসূচীৰ উপৰিও সময়ে সময়ে বিভিন্ন সামাজিক কার্যসূচীও গ্ৰহণ কৰা পৰিলক্ষিত হৈছে ৷