উন্মুক্ত বজাৰৰ ট্ৰেন্সফৰ্মাৰক লৈ শংকিত ৰাইজ

ডিব্ৰুগড়ৰ মৰাণ ৰাজহ চক্ৰৰ অন্তৰ্গত দৈনিক বজাৰত এটা ট্ৰেন্সফৰ্মাৰক লৈ ক্ষোভ প্ৰকাশ ৷ মৰাণৰ ৩৭ নং ৰাষ্ট্ৰীয় ঘাইপথৰ কাষতে থকা এটা উচ্চ ক্ষমতাসম্পন্ন উন্মুক্ত ট্ৰেন্সফৰ্মাৰক লৈ ৰাইজে অভিযোগ কৰিছে । উল্লেখ্য যে, উক্ত উচ্চ ক্ষমতাসম্পন্ন ট্ৰেন্সফৰ্মাৰটো দীৰ্ঘদিনে উন্মুক্ত হৈ আছে ৷ স্থানীয় ৰাইজৰ অভিযোগৰ পিছতো বিভাগীয় কৰ্তৃপক্ষই এইক্ষেত্ৰত কোনো গুৰুত্ব আৰোপ কৰা নাই ৷ ফলত যিকোনো সময়তে অঘটন ঘটাৰ আশংকা প্ৰকাশ কৰিছে স্থানীয় লোকে ৷ ৰাইজে বিভাগীয় কৰ্তৃপক্ষক শীঘ্ৰে বিহিত ব্যৱস্থা গ্ৰহণৰ দাবী জনাইছে ৷