অসম চিকিৎসা মহাবিদ্যালয়ত এমাহ সাত দিনীয়া শিশুৰ ক’ভিডত মৃত্যু

ডিব্ৰুগড়ৰ অসম চিকিৎসা মহাবিদ্যালয়ত এমাহ সাত দিনীয়া কন্যা শিশুৰ ক’ভিডত আক্ৰান্ত হৈ মৃত্যু ৷ অৰুণাচল প্ৰদেশৰ নামচাইৰ শিশুটোৱে উশাহ-নিশাহ লোৱাত অসুবিধা হোৱাৰ বাবে অসম চিকিৎসা মহাবিদ্যালয়ত চিকিৎসাধীন হৈ আছিল । অৱশেষত বুধবাৰে মৃত্যুক আকোৱালি লয় ক’ভিডত আক্ৰান্ত হৈ থকা এমহীয়া কন্যা শিশুটো ৷ শেহতীয়াকৈ কৰ’ণা আক্ৰান্তৰ সংখ্যা কিছু পৰিমাণে হ্ৰাস হোৱাৰ লগতে মৃত্যুৰ সংখ্যাও হ্ৰাস পাইছে যদিও অসম চিকিৎসা মহাবিদ্যালয়ত চিকিৎসাধীন হৈ থকা এমহীয়া কন্যা শিশুগৰাকী মৃত্যুৰ ঘটনাই তীব্ৰ চাঞ্চল্যৰ সৃষ্টি কৰিছে ।