হোজাইত ৰাইজে ড্ৰাগছ আসক্ত যুৱকক গতালে আৰক্ষীক

ৰাজ্যত অব্যাহত আছে ড্ৰাগছ সৰবৰাহকাৰী (Drugs paddler)ৰ বিৰুদ্ধে অসম আৰক্ষী (Assam Police)ত তীব্ৰ অভিযান ৷ আৰক্ষীৰ অভিযানত হোজাই জিলাৰ লগতে ৰাজ্যৰ ভিন্ন প্ৰান্তত প্ৰতিদিনে ড্ৰাগছৰ ঘাটি উৎখাত কৰাৰ লগতে বহু ড্ৰাগছ সৰবৰাহকাৰীক আটক কৰিছে আৰক্ষীয়ে ৷ অসম আৰক্ষীৰ ড্ৰাগছ বিৰোধী অভিযানত ইতিমধ্যে পুৰুষৰ লগতে বহু মহিলা ড্ৰাগছ সৰবৰাহকাৰী আৰু ড্ৰাগছ আসক্ত আটক কৰিবলৈ সক্ষম হৈছে ৷ তাৰ সমান্তৰালভাৱে হোজাই জিলা (Hojai District)ৰ কাকীতো এজন ড্ৰাগছ আসক্ত যুৱকক ৰাইজে গতাই দিবলগীয়া হৈছে আৰক্ষীক ৷ যুৱক জনৰ নাম বিচিত্ৰ দাস ৷ দিৰ্ঘদিন ধৰি ড্ৰাগছ আসক্ত হৈ গাঁও খনত সৃষ্টি কৰিছিল আতংক ৷ পৰিয়াল আৰু গাঁওবাসীয়ে যুৱক জনক আবদ্ধ কৰি দেওবাৰে কাকী আৰক্ষীক গতাই দিয়ে ৷ শীঘ্ৰেই যুৱকজনৰ সৈতে যিসকল ড্ৰাগছ সৰবৰাহকাৰী জড়িত হৈ তেওঁলোকক গ্ৰেপ্তাৰ কৰি উচিত শাস্তি দিবলৈ আৰক্ষীক আহ্বান জনাইছে স্থানীয় ৰাইজে ৷