Manikpur Fire : মূহুৰ্ততে ধ্বংসস্তুপত পৰিণত 5 টাকৈ বাসগৃহ

বঙাইগাঁৱত ভয়াৱহ অগ্নিকাণ্ড(Massive Fire) সংঘটিত ৷ বুধবাৰে আবেলি জিলাখনৰ মেৰেৰচৰ থানা(Mererchar Police Station)ৰ অন্তৰ্গত চাইলাবাৰী দ্বিতীয় খণ্ডত অগ্নিকাণ্ডৰ ঘটনা সংঘটিত হয় ৷ উক্ত অগ্নিকাণ্ডত তিনিগৰাকী ব্যক্তিৰ বাসগৃহৰ লগতে 5 টাকৈ ঘৰ সম্পূৰ্ণৰূপে জুইত জাহ যায় ৷ পোনতে জাফৰ আলী নামৰ ব্যক্তিগৰাকীৰ ঘৰৰ পৰা বৈদ্যুতিক শ্বৰ্ট চাৰ্কিট হৈ জুইৰ সূত্ৰপাত ঘটাৰ সন্দেহ প্ৰকাশ কৰিছে ভুক্তভোগীয়ে ৷ অগ্নিকাণ্ডটোৰ ফলত তিনিটাকৈ পৰিয়ালৰ ভঁৰালঘৰ সহ প্ৰায় 20 লাখ টকাৰ ক্ষতিসাধন ঘটে ৷ স্থানীয় লোকে অগ্নি নিৰ্বাপক বাহিনী(Fire Brigade Bongaigaon)ক খবৰ দিয়ে যদিও ঘটনাস্থলীত বহু পলমকৈ উপস্থিত হয় ৷ তদুপৰি ভুক্তভোগীক ক্ষতিপূৰণ দিবলৈ বঙাইগাঁও জিলা প্ৰশাসন(Bongaigaon District)ক দাবী জনায় ৷