ৰাইজক চৰকাৰৰ নিৰ্দেশনা মানি চলিবলৈ আহ্বান লুৰিণজ্যোতিৰ

লক ডাউনৰ সময়চোৱাত চৰকাৰে জাৰি কৰা সকলো ধৰণৰ নীতি নিৰ্দেশনা মানি চলিবলৈ ৰাজ্যবাসীক অনুৰোধ জনাইছে সদৌ অসম ছাত্ৰ সন্থাৰ সাধাৰণ সম্পাদক লুৰিণজ্যোতি গগৈয়ে । ৰাজ্যবাসীলৈ এই আহ্বান জনাই আছুৰ সাধাৰণ সম্পাদক গৰাকীয়ে কয় যে " এই সময় বিশ্ববাসীৰ বাবে সংকটৰ সময় । " বিশ্ব স্বাস্থ্য সংস্থাই যিসমূহ নীতি নিৰ্দেশনা মানি চলাৰ কথা কৈছে সেয়াও আখৰে আখৰে পালন কৰিবলৈ তেওঁ সকলোকে আহ্বান জনায় । লগতে দিন হাজিৰা কৰি চলা লোকসকলক লক ডাউনৰ সময়ত সকাহ দিব পৰাকৈ চৰকাৰক ব্যৱস্থা গ্ৰহণ কৰিবলৈ অনুৰোধ আছু নেতাগৰাকীৰ ৷