ৰূপজ্যোতি কুৰ্মীক গুলীচালনাৰ তদন্ত বিচাৰি গৃহমন্ত্ৰীলৈ পত্ৰ গৌৰৱ গগৈৰ

বৃহস্পতিবাৰে বিয়লি অসমৰ ভূমিতেই বিধায়ক ৰূপজ্যোতি কুৰ্মীলৈ লক্ষ্য কৰি গুলীচালনা কৰা ঘটনাক গৰিহণা দিয়ে কলিয়াবৰ লোকসভা সমষ্টিৰ সাংসদ গৌৰৱ গগৈয়ে । শুক্ৰবাৰে নগাঁৱৰ বটদ্ৰৱাত উপস্থিত হৈ চৰকাৰক সমালোচনা কৰে গৌৰৱ গগৈয়ে । অসমৰ ভূমিত নগা বেদখলকাৰীয়ে এগৰাকী জনপ্ৰতিনিধিক গুলীওৱাৰ প্ৰসংগ উত্থাপন কৰি এইখন অসমত জনপ্ৰতিনিধি এজনৰ সুৰক্ষা নাই বুলি দাবী কৰে গৌৰৱ গগৈয়ে । বিধায়ক ৰূপজ্যোতি কুৰ্মীলৈ লক্ষ্য কৰি গুলীচালনা কৰা ঘটনাৰ তদন্ত বিচাৰি কেন্দ্ৰীয় গৃহমন্ত্ৰীলৈ ইতিমধ্যেই পত্ৰ প্ৰেৰণ কৰিছে সাংসদ গৌৰৱ গগৈয়ে ।