দেৰগাঁৱত বিহ দি নিধন শতাধিক শৰালি হাঁহ

শীতকালত ৰাজ্যলৈ আগমন ঘটে ভিন্ন প্ৰজাতিৰ পৰিভ্ৰমী চৰাইৰ ৷ কিন্তু একাংশ দুৰ্বৃত্তই বিভিন্ন উপায়েৰে হত্যা কৰি আহিছে পক্ষীসমূহক ৷ তেনে এক ঘটনা সংঘটিত হৈছে দেৰগাঁৱত ৷ শেহতীয়াকৈ দেৰগাঁৱৰ ব্ৰহ্মপুত্ৰৰ দাঁতি কাষৰীয়া নপমুৱা-শলমাৰীৰ বিলত হাজাৰ হাজাৰ পৰিভ্ৰমী শৰালি হাঁহ নিধন কৰিছে দুৰ্বৃত্তই ৷ খাদ্যত বিষ দি নিধন কৰা হৈছে এই পক্ষীসমূহক ৷ বুধবাৰে পুৱা স্থানীয় লোকে মৃত পক্ষীসমূহক প্ৰত্যক্ষ কৰাত পোহৰলৈ আহে সমগ্ৰ ঘটনা ৷ দেৰগাঁও বন বিভাগক অনতিপলমে এই কাৰ্য কৰা দোষীসকলক চিনাক্ত কৰি উচিত শাস্তি বিহিবলৈ দাবী জনাইছে স্থানীয় লোকে ৷