কৰিমগঞ্জৰ ভোটাৰৰ উৎসাহপূৰ্ণ ভোটদান

কৰিমগঞ্জৰ ৰাতাবাড়ি, পাথাৰকান্দি, উত্তৰ কৰিমগঞ্জ, দক্ষিণ কৰিমগঞ্জ আৰু বদৰপুৰত চলি আছে দ্বিতীয় পৰ্যায়ৰ ভোটগ্ৰহণ । পুৱাৰ পৰা দীঘলীয়া শাৰী পাতি ডেকা-বুঢ়া সকলোৱে ভোটদান সাব্যস্ত কৰিবলৈ হিলদল ভাঙি ওলাই অহা দেখা যায় ৷ সকলোৰে উদ্দেশ্যে এটাই- মন পচন্দৰ প্ৰাৰ্থীগৰাকী জয় হওঁক ৷ উক্ত ভোটকেন্দ্ৰ কেইটাৰ ভিতৰত ৰাতাবাৰীত পুৱা ৯ বজালৈ ৭.৯৫ শতাংশ ভোটদানৰ হাৰ সম্পন্ন হয় । আনহাতে, পাথাৰকান্দিত ৮.১২ শতাংশ, উত্তৰ কৰিমগঞ্জত ৭.৬৫ শতাংশ, দক্ষিণ কৰিমগঞ্জত ৯ শতাংশ আৰু বদৰপুৰত ৭ শতাংশ ভোটদান সম্পন্ন হয় ।