মোৰ কোনো প্ৰতিদ্বন্দী নাই: মনোনয়ন দাখিল কৰি মন্তব্য কমলাক্ষ দে' পুৰকায়স্থৰ

ৰাজ্যত বলিছে নিৰ্বাচনী বতাহ ৷ নিৰ্বাচনী ৰণলৈ সাজু ৰাজনৈতিক দলসমূহৰ লগতে টিকট লাভ কৰা প্ৰাৰ্থীসকল ৷ ইতিমধ্যে ৰাজ্যৰ প্ৰথম পৰ্যায়ৰ নিৰ্বাচনৰ বাবে মনোনয়ন পত্ৰ দাখিল সমাপ্ত হৈছে ৷ ইয়াৰ পিচতে দ্বিতীয় পৰ্যায়ৰ নিৰ্বাচনৰ বাবে মনোনয়ন পত্ৰ দাখিলৰ প্ৰক্ৰিয়া আৰম্ভ হৈছে ৷ বৃহস্পতিবাৰে সহস্ৰাধিক সমৰ্থকক লগত লৈ বিশাল পদযাত্ৰা কৰি উত্তৰ কৰিমগঞ্জ সমষ্টিৰ বাবে কৰিমগঞ্জ জিলা উপায়ুক্ত কাৰ্য়ালয়ত মনোনয়ন পত্ৰ দাখিল কৰিলে বৰ্তমানৰ বিধায়ক তথা কংগ্ৰেছ মহাজোঁটৰ প্ৰক্ষেপিত প্ৰাৰ্থী কমলাক্ষ দে' পুৰকায়স্থই ৷ ইপিনে সমৰ্থক গৰাকীক সমৰ্থসকলে পুষ্পবৃষ্টিৰে আদৰণি জনোৱাৰ লগতে কমলাক্ষ দে পুৰকায়স্থ জিন্দাবাদ ধ্বনিৰে উত্তাল কৰি তোলে ৰাজপথ ৷ আনহাতে, কমলাক্ষ দে' পুৰকায়স্থই 2021ৰ নিৰ্বাচনত তেওঁৰ কোনো প্ৰতিদ্বন্দী নাই আৰু বৃহৎ ভোটৰ ব্যৱধানত জয়ী হ'ব বুলিও মন্তব্য কৰে ৷