আলফাৰ সেনাধ্যক্ষ পৰেশ বৰুৱালৈ জুবিনৰ আহ্বান

কুইপৰ দুই কৰ্মচাৰী প্ৰণৱ গগৈ আৰু ৰাম কুমাৰক মানৱতাৰ দৃষ্টিৰে মুকলি কৰি দিবলৈ আহ্বান জনালে নৱ প্ৰজন্মৰ হাৰ্টথ্ৰব জুবিন গাৰ্গে ৷ এইসকল কৰ্মচাৰীৰ পৰিয়াল আছে, সতি সন্তান আছে গতিকে বিষয়টোৰ সন্দৰ্ভত কুইপৰ বিষয়া বা চৰকাৰৰ সৈতে আলফাক আলোচনা কৰিবলৈ আহ্বান জনায় সঙ্গীত শিল্পীগৰাকীয়ে ৷ কলাক্ষেত্ৰৰ উদ্যোগত তেজপুৰত অনুষ্ঠিত হোৱা এক আলোচনা চক্ৰত নিৰ্দিষ্ট বক্তা হিচাপে অংশগ্ৰহণ কৰি সাংবাদিকৰ প্ৰশ্নৰ উত্তৰত আলফাৰ সেনাধ্যক্ষগৰাকীক এই আহ্বান জনায় জুবিন গাৰ্গে ৷