ডিব্ৰুগড়ত বিশেষভাৱে সক্ষম ব্যক্তিৰ আন্তঃৰাষ্ট্ৰীয় দিৱস উদযাপন

অসম সৰ্বশিক্ষা অভিযান(Assam Sarva Shiksha Abhiyan ) ডিব্ৰুগড় জিলাৰ উদ্যোগত শুকুৰবাৰে ডিব্ৰুগড়ত বিশেষভাৱে সক্ষম ব্যক্তিৰ আন্তঃৰাষ্ট্ৰীয় দিৱস(International Day of Persons with Disabilities) উদযাপন কৰা হয় । লাহোৱাল আৰু বৰবৰুৱা শিক্ষাখণ্ডৰ সহযোগত চহৰখনৰ বেংগলী হাইস্কুলৰ প্ৰেক্ষাগৃহত অনুষ্ঠিত কৰা হয় এই দিৱস । ডিব্ৰুগড় জিলাৰ বিদ্যালয়সমূহৰ পৰিদৰ্শক(School Inspector of Dibrugarh district) দীপিকা চৌধুৰীয়ে বন্তি প্ৰজ্বলনৰে এই কাৰ্যসূচী শুভাৰম্ভ কৰে । অনুষ্ঠানত লাহোৱাল শিক্ষাখণ্ডৰ বিদ্যালয় সহ-পৰিদৰ্শক ৰিন্তী দিহিঙীয়াই অংশগ্ৰহণ কৰে । অনুষ্ঠানত বিশেষভাৱে সক্ষম যুৱক-যুৱতীসকলৰ প্ৰদৰ্শনীৰ লগতে বহুকেইটা অনুষ্ঠান পৰিবেশন কৰা হয় ৷