ডুমডুমাত পিঞ্জৰাবদ্ধ প্ৰকাণ্ড নাহৰফুটুকী

তিনিচুকীয়া জিলাৰ ডুমডুমাৰ চামডাং চাহ বাগিছাত নিশা এটা প্ৰকাণ্ড নাহৰফুটুকী পিঞ্জৰাবদ্ধ হয় । বাগিছাখনৰ মেচাইজান ২০ নং চেকচনত বন বিভাগে স্থাপন কৰা পিঞ্জৰাত নাহৰফুটুকীটো পিঞ্জৰাবদ্ধ হয় । উল্লেখ্য যে বিগত এটা মাহে বাগিছাখনত কেইবাটাও নাহৰফুটুকীয়ে মুক্ত বিচৰণ কৰি বাগিছাখনত সন্ত্ৰাসৰ সৃষ্টি কৰি আহিছিল । বৰ্তমানেও বাগিছাখনত নাহৰফুটুকীক লৈ আতংক অব্যাহত আছে । সেয়ে বাগিছা খনত পুনৰ পিঞ্জৰা স্থাপন কৰিবলৈ স্থানীয় লোকে বন বিভাগক আহ্বান জনাইছে ।