ডo হিমন্ত বিশ্ব শৰ্মাই মহিলাক কৰা তুচ্ছ মন্তব্যক লৈ কটাক্ষ ৰফিকুল ইছলামৰ

বুধবাৰে তেজপুৰৰ এখন ৰাজহুৱা সভাত ডo হিমন্ত বিশ্ব শৰ্মাই সংখ্যালঘূ মহিলাক সন্তান জন্ম দিয়া মেচিন বুলি আখ্যা দিয়া সন্দৰ্ভত তীব্ৰ প্ৰতিক্ৰিয়া প্ৰকাশ কৰিছে বিধায়ক তথা জনীয়া সমষ্টিৰ মহাজোঁটৰ প্ৰাৰ্থী ড° হাফিজ ৰফিকুল ইছলামে । এজন দায়িত্বশীল ব্যক্তিয়ে এখন ৰাজহুৱা সভাত এনেধৰণৰ মন্তব্য কৰি কেৱল এটা সম্প্ৰদায়ৰ মহিলাক অপমান কৰা নাই, সমগ্ৰ নাৰী জাতিক অপমান কৰিছে, সকলো আই মাতৃকহে তুচ্ছ তাচ্ছিল্যহে কৰিছে । হিমন্ত বিশ্ব শৰ্মাই হতাশাত ভুগি আচলতে এনে ধৰণৰ দুৰ্ভাগ্যজনক মন্তব্য কৰা বুলি কটাক্ষ কৰে ৰফিকুল ইছলামে । ৰফিকুল ইছলামে হিমন্ত বিশ্বৰ উপৰিও ইউ পি ৰ মুখ্যমন্ত্ৰী যোগী আদিত্য নাথকো তীব্ৰ সমালোচনা কৰা পৰিলক্ষিত হৈছে ৷