দেৱীৰ শ্ৰী চৰণত পৰি উপ-নিৰ্বাচনৰ বাবে সাজু হ’ল হাগ্ৰামা

সমগ্ৰ ৰাজ্যৰ লগতে বিটিআৰ সদৰ কোকৰাঝাৰ চহৰতো মহানৱমী উপলক্ষে ভক্তৰ মাজত আনন্দ-উল্লাস পৰিলক্ষিত হৈছে । মহানৱমী উপলক্ষে বৃহস্পতিবাৰে কোকৰাঝাৰৰ পাথৰঘাট, সুভাষপল্লী আদিকে ধৰি বিভিন্ন পূজা মণ্ডপ ভ্ৰমণ কৰি দেৱী দুৰ্গাৰ আশীস ল'লে বিটিচিৰ প্ৰাক্তন মুখ্য কাৰ্যবাহী সদস্য তথা বিপিএফ দলৰ সভাপতি হাগ্ৰামা মহিলাৰীয়ে ৷ দেৱী দুৰ্গাৰ আশীষ লৈ হাগ্ৰামা মহিলাৰীয়ে বিটিআৰ অঞ্চলৰ লগতে অসমত বসবাস কৰা প্ৰতিটো জাতি-জনগোষ্ঠীৰ মাজত শান্তি-সম্প্ৰীতি আৰু ভ্ৰাতৃত্ববোধ যাতে অক্ষুণ্ণ থাকে তাৰ বাবে প্ৰাৰ্থনা কৰা বুলি সংবাদমাধ্যমৰ আগত সদৰী কৰে । দেৱী দুৰ্গাৰ আৰ্শীবাদত উপ-নিৰ্বাচনত গোসাইগাঁও সমষ্টিত বিপিএফ দলৰ প্ৰাৰ্থীয়ে জিকিব বুলিও মন্তব্য কৰিছে মহিলাৰীয়ে ৷ উল্লেখ্য যে, গোসাঁইগাঁও সমষ্টিত বিপিএফ দলে ধ্ৰৱ কুমাৰ ব্ৰহ্ম নাৰ্জাৰীক দলীয় প্ৰাৰ্থী হিচাপে প্ৰক্ষেপ কৰিছে ৷