‘কেব’ সমৰ্থনকাৰী দলক প্ৰতিহত কৰিব অগপৰ তৃণমূল কৰ্মীয়ে

নাগৰিকত্ব সংশোধনী বিধেয়ক সমৰ্থন কৰা দলৰ বিৰুদ্ধে ভোট দিবলৈ আহ্বান অগপৰ তৃণমূল কৰ্মীৰ ৷ মঙলবাৰে নগাঁৱত এক সংবাদমেলৰ আয়োজন কৰি অগপ বিজেপিৰ মিত্ৰতাৰ বিৰোধিতা কৰে তৃণমূল কৰ্মীসকলে ৷ অগপৰ সাধাৰণ পৰিষদৰ বৈঠক অবিহনে দলটোৱে বিজেপিৰ সৈতে মিত্ৰতা কৰাৰ অভিযোগ তুলি তৃণমূল পৰ্যায়ৰ কৰ্মী বিষয়ববীয়াই বিৰোধিতা কৰে মিত্ৰতাৰ ৷ উল্লেখ্য যে, প্ৰথম পৰ্যায়ৰ নিৰ্বাচনী প্ৰচাৰ অন্ত পৰাৰ কিছু সময়ৰ পিচতেই নগাঁৱত এই সংবাদমেলৰ আয়োজন কৰি নিৰ্বাচনৰ প্ৰাকমুহূৰ্তত কেইবাটাও গুৰুত্বপূৰ্ণ সিদ্ধান্ত লোৱাৰ কথা উল্লেখ কৰে তৃণমূল কৰ্মীসকলে ৷