গৌৰীসাগৰ তিনিআলিত বিহু উদযাপন

শিৱসাগৰ জিলাৰ গৌৰীসাগৰ ব্যৱসায়ী সন্থাৰ উদ্যোগত আৰু গৌৰীসাগৰবাসী ৰাইজৰ সহযোগত "ব’হাগৰে এসন্ধ্যা" নামেৰে গৌৰীসাগৰ তিনিআলিত বিহু উদযাপন কৰা হয় । গৌৰীসাগৰৰ ব্যৱসায়ী সদ্য প্ৰয়াত তুলাৰাম নেওগ সোঁৱৰণী মঞ্চত জেং বিহুকে ধৰি প্ৰায় দহযোৰা বিহু প্ৰদৰ্শন কৰা হয় । অনুষ্ঠানৰ লগত সংগতি ৰাখি আয়োজন কৰা সাংস্কৃতিক সন্ধিয়াত অসমৰ জনপ্ৰিয় শিল্পী মহেন্দ্ৰ হাজৰিকা আৰু মনোজ বৰাই গীত পৰিবেশন কৰি ৰাইজক আপ্লুত কৰে ৷