চাপৰমুখত জব্দ ব্ৰাউন চুগাৰ, আটক এজন

চাপৰমুখ ৰে’ল আৰক্ষীৰ বিশেষ অভিযান ৷ শুকুৰবাৰে নিশা চাপৰমুখ ৰে’ল জংচনত জব্দ কৰা হৈছে বহু পৰিমাণৰ ব্ৰাউন চুগাৰ ৷ ঘটনা সন্দৰ্ভত ৰে’ল আৰক্ষীয়ে আটক কৰে ছফিকুল ৰহমান নামৰ এজন লোকক ৷ চাপৰমুখ RPF আৰু GRP ৰ যুটীয়া অভিযানত জব্দ হয় প্ৰায় পাঁচ লাখ টকাৰ মূল্যৰ ব্ৰাউন চুগাৰখিনি ৷ ডিব্ৰুগড়-ৰঙিয়া নামনিমুৱা যাত্ৰীবাহী ৰে’লত ডিমাপুৰৰ পৰা কামপুৰৰ কচুৱালৈ প্ৰায় ৩০ গ্ৰাম ব্ৰাউন চুগাৰৰ দুটাকৈ কণ্টেইনাৰ লৈ আহিছিল ধৃত ব্যক্তিগৰাকীয়ে ৷ ঘটনা সন্দৰ্ভত আটকাধীন ছফিকুল ৰহমানক জেৰা অব্যাহত ৰাখিছে ৰে’ল আৰক্ষীয়ে ।