Illegal tractors seized in Dhubri: ধুবুৰীত পৰিবহণ বিভাগৰ অভিযানত জব্দ অবৈধ ট্ৰেক্টৰ

ধুবুৰী পৰিবহণ বিভাগে ধুবুৰীৰ কলেজ ৰোড এলেকাত অভিযান চলাই জব্দ কৰে তেৰখন মাটি কঢ়িওৱা ট্ৰেক্টৰ (Illegal tractors seized in Dhubri) । অভিযোগ অনুসৰি, ধুবুৰীৰ আমেৰভিটা অঞ্চলত ব্ৰহ্মপুত্ৰৰ বুকুত খনন চলাই থকা একাংশ মহলধাৰীৰ নাই পৰিবহণ বিভাগত পঞ্জীয়নভুক্ত ট্ৰেক্টৰ ৷ পৰিবহণ বিভাগৰ (Dhubri transport department)পঞ্জীয়ন নথকা একাংশ ট্ৰেক্টৰৰ জৰিয়তে দীৰ্ঘ দিনে বালিমাটি সৰবৰাহ কৰি আহিছে একাংশ মহলধাৰীয়ে । প্ৰতিদিনে শ শ ট্ৰেক্টৰৰ জৰিয়তে কলেজ ৰোড অঞ্চলেদি ধুবুৰী সদৰ চহৰৰ ভিন্ন অঞ্চলত বালিমাটি সৰবৰাহ কৰি অহাৰ ফলত ধূলিময় হৈ পৰিছে বিস্তীৰ্ণ অঞ্চল । এই অভিযোগ অঞ্চলটোৰ ৰাইজৰ ৷ আনকি নিয়ন্ত্ৰণহীন ভাৱে তীব্ৰ গতিত চলি থকা ট্ৰেক্টৰে বিভিন্ন সময়ত ভয়ংকৰ দুৰ্ঘটনা সংঘটিত কৰি অহাৰো অভিযোগ উত্থাপিত হৈছে ৷ বিভিন্ন বাদ প্ৰতিবাদৰ অন্তত মঙলবাৰে ধুবুৰী পৰিবহণ বিভাগৰ এনফ্ৰ’ৰ্চমেণ্ট বিষয়াৰ নেতৃত্বত এটা দলে ধুবুৰীৰ কলেজ ৰোড অঞ্চলৰ ভিন্ন এলেকাত অভিযান চলাই মুঠ তেৰখন ট্ৰেক্টৰ প্ৰথমে জব্দ কৰে (Dhubri transport department operation against Illegal tractors)।