ক’ভিডৰ বাবে ধেমাজিত অনুষ্টুপীয়াকৈ উদযাপন স্বাধীনতা দিৱস

জিলা প্ৰশাসনৰ উদ্যোগত কটকটীয়া নিৰাপত্তাৰ মাজত ধেমাজিৰ কাছাৰী ময়দানত উদযাপন কৰা হয় 75 সংখ্যক স্বাধীনতা দিৱস ৷ ক’ভিড প্ৰট’কল ৰক্ষা কৰি অনুষ্টুপীয়াকৈ অনুষ্ঠিত কৰা হয় স্বাধীনতা দিৱসৰ কাৰ্যসূচী ৷ প্ৰথমে মহাত্মা গান্ধীৰ প্ৰতিমূৰ্তি আৰু ২০০৪ চনত স্বাধীনতা দিৱসত নিহত ১৩ গৰাকী শ্বহীদৰ স্মৃতিত ধেমাজি মহাবিদ্যালয়ৰ চৌহদত নিৰ্মিত স্মৃতিস্তভত মাল্যাৰ্পণ কৰি কাছাৰী ময়দানত আনুষ্ঠানিকভাৱে ৰাষ্ট্ৰীয় পতাকা উত্তোলন কৰে ধেমাজি জিলা উপায়ুক্ত পি বিজয় ভাস্কৰ ৰেড্ডীয়ে ৷ ক’ভিড পৰিস্থিতিৰ বাবে এইবেলি পেৰেডত অংশগ্ৰহণ কৰে আৰক্ষীৰ তিনিটা কুচকাৱাজ আৰু বেণ্ড এটা সহ মুঠ চাৰিটা দলে ৷