নাও যাত্ৰীৰ মৃতদেহ বিচাৰি ছিকাৰিঘাটত দেৰগাঁও আৰক্ষীৰ অভিযান

ছিকাৰিঘাটত মৃতদেহ বিচাৰি দেৰগাঁও আৰক্ষীৰ তীব্ৰ অভিযান অব্যাহত। সমগ্ৰ অসম জোকাৰি যোৱা নিমাতিঘাটৰ ভয়ানক নাও দুৰ্ঘটনাত নিৰুদ্দেশ হোৱা লোকক বিচাৰি দেৰগাঁও আৰক্ষী । নাও দুৰ্ঘটনাৰ ফলত নিখোজ হৈ থকা চিকিৎসক সহ প্ৰায় তিনি জন লোকৰ সন্ধানত এতিয়া ব্যস্ত হৈছে দেৰগাঁও আৰক্ষী ৷ এচ.ডি.আৰ.এফৰ দলৰ সহযোগত দেৰগাঁৱৰ চিকাৰীঘাটৰ লগতে বৰজাই ঘাট, নেউল গাঁও আদিৰ লগতে লুইতৰ বুকুত বিভিন্ন স্থানত দেৰগাঁও আৰক্ষীয়ে অভিযান চলাই আছে ৷ যদিও বৰ্তমান সময়লৈকে কোনো লোকৰ সম্ভেদ লাভ কৰা নাই বুলি জানিবলৈ দিছে আৰক্ষীয়ে । নিমাতিঘাটৰ শোকাৱহ নাঁও দুৰ্ঘটনাত নিখোজ হৈ থকা ব্যক্তি কেইজন বিচাৰি শুকুৰবাৰে পুনৰাই তীব্ৰ অভিযান চলোৱা হ’ব বুলি জানিবলৈ দিছে দেৰগাঁও আৰক্ষীৰ ভাৰপ্ৰাপ্ত বিষয়া গৰাকীয়ে ।