Corruption : জোনাইত পথ নিৰ্মাণৰ নামত সংঘটিত হৈছে ব্যাপক অনিয়ম

ধেমাজি জিলাৰ বানবিধ্বস্ত জোনাই মহকুমাৰ বৈকুণ্ঠপুৰৰ পৰা দমকল ঘাটলৈ যোৱা প্ৰধানমন্ত্ৰী গ্ৰাম্য চড়ক যোজনাৰ পকী পথটো অতি নিম্নমানেৰে নিৰ্মাণ কৰাক লৈ ৰাইজৰ মাজত প্ৰতিক্ৰিয়াৰ সৃষ্টি হৈছে । পথচোৱাৰ নিৰ্মাণ কাৰ্যত সঠিকভাৱে শিল-বালিকে ধৰি প্ৰয়োজনীয় সামগ্ৰী ব্যৱহাৰ নকৰাৰ অভিযোগ TMPK আৰু ABSU ৰ ৷ পথটোৰ নিৰ্মাণৰ নামত ব্যাপক অনিয়মৰ আশ্ৰয় লোৱাৰ অভিযোগ প্ৰদীপ ৰাতি নামৰ ঠিকাদাৰ গৰাকীৰ বিৰুদ্ধে ৷ কিয়নো দল-সংগঠনৰ অভিযোগ অনুসৰি নিৰ্মীয়মান পথচোৱাৰ ঠায়ে ঠায়ে চপৰা চপৰে উঠি গৈছে ব্লেকটপিং ৷