শ্ৰীমন্ত শংকৰদেৱ কলাক্ষেত্ৰত বিশ্ব পৰ্যটন দিৱস পালন; ৰাস মহোৎসৱৰ লগ' উন্মোচন

গুৱাহাটী,27ছেপ্টেম্বৰঃ মুখ্যমন্ত্ৰী সৰ্বানন্দ সোণোৱালে শুকুৰবাৰে ৰাজ্যখনৰ পৰ্যটন বিভাগৰ দ্বাৰা শ্ৰীমন্ত শংকৰদেৱ কলাক্ষেত্ৰৰ প্ৰেক্ষাগৃহত আয়োজিত ৰাজ্যিক পৰ্যায়ৰ বিশ্ব পৰ্যটন দিৱসৰ কাৰ্যসূচীত অংশগ্ৰহণ কৰে ৷ এই কাৰ্যসূচীত অংশ লৈ মুখ্যমন্ত্ৰীয়ে আমাৰ আলহী নামৰ এখন আঁচনি আনুষ্ঠানিকভাৱে উদ্বোধন কৰে ৷ লগতে মুখ্যমন্ত্ৰীয়ে এই অনুষ্ঠানতে মাজুলী আৰু নলবাৰীকে ধৰি ৰাজ্যৰ বিভিন্ন ঠাইত অনুষ্ঠিত হ'বলগীয়া ৰাস মহোৎসৱৰ বাবে এক লগ' আনুষ্ঠানিকভাৱে উন্মোচন কৰে ৷