কলগাছিয়াৰ শ্বৰীয়াতপুৰত ব্ৰাউন চুগাৰ ব্যৱসায়ী আটক

জনীয়া সমষ্টিৰ কলগাছিয়াৰ শ্বৰীয়াতপুৰত সন্দেহযুক্ত ব্ৰাউন চুগাৰ ব্যৱসায়ী আটক । ধৃত ব্যৱসায়ীজনৰ নাম আমজাদ আলী বুলি জানিব পৰা গৈছে । মেৰেৰচৰ থানাৰ আৰক্ষীৰ সহযোগত অভয়াপুৰী আৰক্ষী(Abhayapuri Police)য়ে এক গোপন সূত্ৰৰ পম খেদি সন্দেহজনক ব্ৰাউন চুগাৰ ব্যৱসায়ীজনক কৰায়ত্ব কৰে । ধৃত ব্যৱসায়ী আমজাদ আলীৰ বাসগৃহৰ পৰা এটা মেচিনো জব্দ কৰিছে আৰক্ষীয়ে ৷ বিগত কেইবাদিনৰ পৰা ড্ৰাগছ(Drugs) ব্যৱসায়ৰ সৈতে জড়িত হৈ আছিল বুলি ব্যৱসায়ীজনে নিজেই স্বীকাৰোক্তি দিয়ে । ইয়াৰ পূৰ্বেও গুৱাহাটী কেন্দ্ৰীয় কাৰাগাৰ(Guwahati Central Jail)ত থাকি কিছুদিন পূৰ্বে জামিনত ওলাই আহিছিল ড্ৰাগছ ব্যৱসায়ী আমজাদ আলী ৷