চতিয়াত জোৱায়েকৰ দাৰ ঘাপত নিহত শহুৰ

চতিয়াৰ ২নং বেজৰহোলাত বুধবাৰে নিশা জোৱায়েকে দাৰ ঘাপত নিহত হয় শহুৰেক ৷ নিহত শহুৰেকজন সঞ্জীৱ পাতৰ বুলি জানিব পৰা গৈছে ৷ নিহত সঞ্জীৱ পাতৰৰ জোৱায়েক সঞ্জীৱ তাতীৰ লগত সুৰামত্ত অৱস্থাত কথাৰ কটাকটি হয় আৰু তেনে সময়ত জোৱায়েকে হিতাহিত জ্ঞান হেৰুৱাই এখন দাৰে শহুৰৰ পেটত প্ৰচণ্ড আঘাট হানে ৷ এই ঘটনাত গুৰুতৰভাৱে আহত সঞ্জীৱ পাতৰক লগে লগে বিশ্বনাথ চাৰিআলিৰ অসামৰিক চিকিৎসালয়লৈ নিয়া হৈছিল যদিও চিকিৎসকে মৃত ঘোষণা কৰে । আনহাতে হত্যাকাৰী সঞ্জীৱ তাতীক ইতিমধ্যে আটক কৰিছে চতিয়া আৰক্ষীয়ে ৷