মাজুলীত বাঁহৰ দলং ভাগি বাঢ়নী পানীত উটি গ'ল লোক

এখন জৰাজীৰ্ণ বাঁহৰ দলং ৷ সেই দলঙৰ ওপৰৰ পৰাই প্ৰায় 20 গৰাকী লোকে চাপৰিৰ পৰা গৰুৰ ঘাঁহ আনি থকা সময়তে, বাঢ়নী পানীৰ সোঁতত ডুব যোৱা এখন নাও উদ্ধাৰৰ বাবে চলাইছে আপ্ৰাণ চেষ্টা ৷ কিন্তু তাৰ ওলোটা দৃশ্যহে পৰিলক্ষিত হ'ল উদ্ধাৰকাৰী সকলৰ মাজত ৷ হঠাতে ভাগি পৰিল বাঁহৰ দলং খন ৷ নিমিষতে ডুবন্ত নাওখন উদ্ধাৰৰ চেষ্টা চলাই থকা লোক সকলো উটি গ'ল বাঢ়নী পানীৰ সোঁতত ৷ কথমপিহে প্ৰাণ ৰক্ষা পৰে আটাইকেইগৰাকী লোকৰ ৷