50 হাজাৰতকৈ বেছি ভোটত জয় হ’ব বিজেপি: বিনোদ হাজৰিকা

ডিব্ৰুগড় জিলাৰ 1105 টা ভোট গ্ৰহণ কেন্দ্ৰত পুৱাৰে পৰা ৰাইজে বিপুল হাৰত ভোটাধিকাৰ সাব্যস্ত কৰা পৰিলক্ষিত হৈছে ৷ উল্লেখ্য যে, লাহোৱালত মুঠ 227 টা ভোট গ্ৰহণ কেন্দ্ৰ মুকলি কৰা হৈছে । জানিব পৰা মতে, দুপৰীয়া ভাগলৈকে 31 শতাংশ ভোটাধিকাৰ সাব্যস্ত কৰা হৈছে লাহোৱালত ৷ বিজেপিৰ লাহোৱালৰ প্ৰাৰ্থী বিনোদ হাজৰিকাই চাবুৱাৰ ১নং নিজ চাবুৱাত ভোট গ্ৰহণ কেন্দ্ৰত ভোটাধিকাৰ সাব্যস্ত কৰিছে । ভোটাধিকাৰ সাব্যস্ত কৰি লাহোৱালৰ বিজেপিৰ প্ৰাৰ্থী গৰাকীয়ে কয় যে, 50 হাজাৰতকৈ অধিক সংখ্যক ভোটত জয়ী হ’ব ৷ বিজেপি প্ৰাৰ্থী বিনোদ হাজৰিকাই তেওঁৰ প্ৰতিদ্বন্দী কংগ্ৰেছ প্ৰাৰ্থী মনোজ ধনোৱাৰক কোনো ফেক্টৰ নহয় বুলি মন্তব্য কৰে ৷